الفرق بين الرجل المصري و مهند؟؟؟

[u]في البدايه بحب اقولكم كل عام وانتم بخير بمناسبة رمضان شهر الخير و العباده

نيجي بعد كده للموضوع اللي عايزه اتكلم فيه طبعا كلنا عارفين مهند ورومنسية مهند فانا حبيت اجيبلكم الفرق بين مهند وبين الراجل المصري ونبدا.


مهند : يصحى من النوم يبص لنور ويبوسها وبعد كده يقوم يغسل وشه ويحضرلها الفطار ويصحيهابرقة شديده ويقولها : ( حبيبتي يالله قومي مابدك تفطري يالله ياقلبي فيقي ) .
الراجل المصري : بيصحى من النوم يبص لمراته ويزعق ياوليه يازفت قومي حضريلي الفطار اتاخرت بسببك ربنا يخدك ويريحني من وشك ليه ما اقعدتنيش من بدري .


مهند : لما يجي يروح الشركه يبوس نور ويقولها: ( راح توحشيني مابعرف كيف بدي استحمل ست ساعات من دون ماشوفك ).
الراجل المصري : بعد مايفطر طبعاوقبل مايخرج يروح لمراته في المطبخ ويقولها: شوفتي لو جيت من الشغل وملقيتش فيه غدا حرميك الشارع انت وعيالك فاهمه؟؟؟؟؟

مهند : لما يرجع البيت يطلع على طول للقوضه ويدور على نور ويحضنها جامد وبعد كده يقولها وحشتيني وحشتيني وحشتيني شو رايك نتغدى برا ونقعد مع بعض شوي ؟؟؟) اللي يشوفهم يقول ليهم سنتين ما اقعدوش مع بعض .
الراجل المصري : يجي من الشغل يخبط باب الشقه بكل قوته ويزعق ياوليه حضري الغدا عايز اكل وانام انت مبتدرديش ليه يازفت انتي انا ايه اللي خلاني اتجنن في عقلي واتجوز من اساسه ؟؟؟.

مهند : لما يروح السوق مع نور تقوله نور شو رايك في هالقستان ؟؟؟) يرد عليها مهند : (ياحبيبتي اي شي بتلبسيه حلو وانت اللي بتحلي الفستان ياعمري ).
الراجل المصري : مراته اصلا مبتخدش رايه تعرفوا ليه ؟؟؟ لانه يا يخليها تروح السوق لوحدها علشان يرتاح كم ساعه في البيت على قوله من غير ما تنكد عليه او ينزل معاها بس مبتلحقش تكلمه لانه بيكون عمال يمشي اقدام بسرعه وهيه ياعيني بتجري وراه علشان تلحقه .


مهند : يكون قاعد يقرا كتاب وتيجي نور عنده علشان يشوف الفستان الجديد فيبص عليها باعجاب وبعد كده يقولها: ( شو هالجمال الفستان ماخد منك قطعه ياروحي ).
اما الراجل المصري : فيكون عمال يتفرج على المباراه (لانه رجالتنا نادرا مابتلاقي فيهم حد ماسك كتاب ) وتيجي مراته عنده وتقوله: ايه رايك ؟؟؟ يزعق في وشها ويقولها ايه اللي عملتيه دا يا مجنونه مشوفتش القون بسببك .
ترد عليه مرآته وتقوله : كنت عايزاك تشوف الفستان الجديد فيبص فيها من فوق لتحت وبعد كده يقول : ايه الموضه الزباله دي لو كنت لبستي خيشة بصل كان احسن ليكي واوفر ليه .




مـــــــــــلاحـــــــــــــــظــــــــــــــــه : مش كل الرجاله زي مهند ومش كل الرجاله زي الراجل المصري بس دي حاجه موجوده في مجتمعنا وبتحصل كتير .
متزعلوش يارجاله ومتدعوش عليه .